Abortu «duin, publiko eta unibertsalaren» alde

Gasteizko Mugimendu Feministak deituta, dozenaka lagunek abortuaren aldeko elkarretaratzea egin dute Askabide klinikaren aurrean, Gure gorputza, gure erabakia lelopean. Abortuak egiten dituen klinika bat da Askabide, eta, azken hilabeteetan, kolektibo antiabortista eta ultrakatolikoek protestak eta otoitz saioak antolatu dituzte haren parean. Feministek salatu dute kolektibo horien xedea dela abortatzen duten emakumeei jazarri eta «kriminalizatzea», eta argi utzi nahi izan dute ez dutela atzera urratsik onartuko «abortu duin, publiko eta unibertsalaren» defentsan.