Adingabeko bati sexu abusua egitea egotzita gizon bat atxilotu dute Trapagaranen

36 urteko gizonezko bat atxilotu zuten atzo Ertzaintzak Trapagaranen (Bizkaia), 15 urteko neskato bati sexu abusua egitea leporatuta.

Jaurlaritzako Herrizaingo Sailak agertu dutenez, larunbat arratsaldean neska talde bat Bizkaia kaleko autobus geltokian zegoen, halako batean gizonezko bat haietako batengana joan eta bere borondatearen kontra musu ematen ahalegindu eta hainbat ukitze egin zizkionean. Ihes egitea lortu zuen neska taldeak, eta salaketa jarri zuen erasoa jasan zuenak.

Ikerketa egin ondoren, 36 urteko PP.C.N. atxilotu zuen atzo Ertzaintzak sexu abusua egotzita.