AEK-k eta BERRIA-k gaur goizean sinatu dute elkarlanerako akordioa Martin Ugalde Kultur Parkean. "Euskararen berreskurapenean indarrak bildu, hiztunen eskubideak defendatu eta euskara eta euskal kultura mundura hedatzeko ahaleginean" indarrak batzeko akordioa da. Aurten 20. edizioa du Korrikak, eta bi erakundeak elkarlanean arituko dira.
Paperean ez ezik, bere webgunean eta sare sozialetan ere jarraipen estua egingo dio BERRIAk Korrikari, irakurleek jakin dezaten uneoro nondik nora eta zer girotan dabilen. Gainera, goizero, papereko egunkariak banatuko dituzte ibilbidean.
