Atzo Irunen (Gipuzkoa) Txingudi merkataritza gunearen inguruetan Errege Magoz eta haien laguntzailez jantzita hormigoiz betetako bi bidoitara lotuta abiadura handiko trenaren (AHT), Pasaiako kanpo portuaren, Hondarribiko aireportua handitzearen eta Zubietako errauste plantaren egitasmoen aurkako protesta egin zuten lau lagunak epailearen aurrera eraman dituzte gaur, baina honek libre utzi ditu.
Desordenu publikoak eragitea egotzi die eta laurek hamabostero epaitegira joan beharko dute sinatzera. Ertzaintzak atxilotu zituen.
Proiektu haiek eragin ditzaketen kalteak salatu zituzten, eta Irungo landa eremuen "txikizioa" salatu dute. Azaldu zuten ekintza "egungo sistema ekonomiko xahutzaileak sustatzen den normaltasun kontsumista" kritikatzeko ere baliatu zutela mobilizazioa.
Protesta 17:20 aldera hasi zuten, bide erdian hormigoiz betetako bidoietan besoak sartuta. Auto ilarak eragin zituen horrek merkataritza gunean bertan eta N-1 errepidean. Ertzainek, 19:00ak alderako, bide bazterrera eraman zituzten ekintzaileak, airean hartuta, eta errepidea libratzeari ekin zioten. Suhiltzaileak 19:30 aldera iritsi ziren lekura, eta lau ekintzaileak bidoietatik askatu zituzten.
azpiegiturak
AHTaren aurka Irunen protesta egin zuten lau lagunak aske utzi ditu epaileak
Pasaiako kanpo portuaren, Hondarribiko aireportua handitzearen eta Zubietako errauste plantaren egitasmoen kontra ere egin zuten, atzo. Hamabostero epaitegira joan beharko dute sinatzera.
Iruzkinak
Ez dago iruzkinik
Ordenatu
