41 urte zituen Sarasolak, eta bi urte egin ditu gaixo. EH Bilduk eman du haren heriotzaren berri, Twitterren:
Aitziber Sarasola laguna joan zaigu. Besarkada senideoi eta lagunoi une gogor hauetan. Aitziber, agur eta ohore!
— EH Bildu Nafarroa (@EHbilduNafarroa) December 21, 20141973an Tolosan jaioa, Iruñean bizi zen. 2011ko udal eta foru hauteskundeetan hautatu zuten Bilduko parlamentari Nafarroako Parlamenturako, eta aurretik AEK-ko Nafarroako koordinatzaile izandakoa zen 2007tik 2010ra bitartean, euskaltegi sareko irakasle izateaz gain. Gainera, Nafarroako Hitza-n kolaboratzaile aritu zen.
Euskararen aldeko lan eta jarrerarengatik nabarmendu zen legebiltzarrean. Urdaileko minbizia diagnostikatu zioten, eta 2013an parlamentura itzuli bazen ere, jarduera politikoa utzi behar izan zuen, berriz gaixotuta.
