Euskal presoen senide eta lagunek bisitara bidean edo bisitatik bueltan izaten dituztenak "Estatuek probokatutako istripuak dira" Etxeratek esan duenez, "sakabanaketa politika kalkulatutako politika baita. Helburu argi bat dute: euskal preso politikoen eta euskal gizartearen arteko zilborrestea etetea, gure senide eta lagunak geroz eta gehiago bakartuz, isolatuz, beraiek, sikikoki,fisikoki nahiz politikoki suntsitzea".
Beste behin gogorarazi dute, euskal gizarteak "exijitu" duela, "euskal preso politikoak Euskal Herriratzeko, presoen eta senide eta lagunon oinarrizko eskubideen, bizien, berme bakarra delako eta, Euskal Herriak bizi duen gatazka politikoaren konponbidean pausoak eman nahi ditugulako".
Beraz, arduratsu jokatzeko eskatu diote eragile sozial, sindikal nahiz politikoei, eta, "hitzetatik ekintzetara pasaz, euskal preso politikoak Euskal Herriratzeko konpromisoak hartzeko" eskatu.
Euskal presoak
Alberto Marin euskal presoaren bi lagunek istripua izan zuten bisita eta gero
Joan zen igandean istripua izan zuten Alberto Marinen bi lagunek euskal presoa bisitatu eta gero. Darokan (Zaragoza, Espainia) dute preso Marin, eta hura bisitatu eta gero, Daroka herrira zihoazela autoa irauli egin zitzaien, Etxeratek jakinarazi duenez. Autoa "guztiz txikituta" gelditu zen, bi lagunak ordea, onik atera ziren. "Estatuek probokatutako istripua" izan dela salatu du Etxeratek, eta hori aurtengo lehen istripua izan bada ere, iaz, "euskal preso politikoak bisitatzera zihoazen 127 lagunek" izan zutela istripua gogorarazi dute. Horietako 47 istripu larriak izan zirela azpimarratu dute, eta batean Karmele Solaguren hil zela.
Iruzkinak
Ez dago iruzkinik
Ordenatu
