ALDERAKETA

Zigor Kodea berriro aldatzea proposatu du PSOEk, sexu erasoen zigor tarteak moldatzeko. Hona alde nagusiak:

Erasoa sarketarik gabe
Orain: 1-4 urteko zigorra; larrigarriekin, 2-8 urtekoa.
PSOEren proposamena: 1-4 urteko zigorra; larrigarriekin, 2-8 urtekoa. Indarkeriarik, larderiarik edo biktimaren borondate gabetzerik bada, 1-5 urteko zigorra; larrigarriekin, 5-10 urtekoa.

Erasoa sarketarekin
Orain: 4-12 urteko zigorra; larrigarriekin, 7-15 urtekoa.
PSOEren proposamena. 4-12 urteko zigorra; larrigarriekin, 7-15 urtekoa. Indarkeriarik, larderiarik edo biktimaren borondate gabetzerik bada, 6-12 urteko zigorra; larrigarririk bada, 12-15 urtekoa.

Larrigarriak
•Erasoa taldean egitea.
•Muturreko bortizkeria erabiltzea.
•Biktima zaurgarritasun egoera nabarmenean egotea.
•Biktima erasotzailearen bikotekidea, bizikidea edo senidea izatea.
•Erasotzaileak arma bat edo heriotza eragin dezakeen tresnaren bat erabiltzea.
•Sumisio kimikoaren bidez biktimaren borondatea baliogabetzea.

Pilatuz gero. Horietako bi baldintza edo gehiago gertatzen badira, zigorra tartearen erditik gorakoa izango da.