Normalizazio politikorako, irailerako “alderdi guztien artean mahaia prestatzeko batzorde bat sortzearen” beharra nabarmendu dute Madrazok eta Zabaletak gaur Bilbon egin duten batzarraren ostean. Izan ere, prozesua gertaera “negatiboz” beteta dago. Alderdi guztien arteko elkarrizketa ireki behar dela esan dute eta horretarako alderdien mahaia “berehala” osatu behar dela.
Batasuna eta Espainiako Gobernuaren arteko “gatazken” inguruan ere mintzatu dira EB eta Aralar. Horren harira, Alderdien Legea bertan behera uzteko eskatu diote Espainiako Gobernuari, eta Batasunari “kaleko erasoak gaitzesteko”.
Egoera politikoaren analisia egiteko ez ezik, elkarrekin koalizioa egiteko aukeraz mintzatu dira batzarrean EBko eta Aralarreko buruzagia. Hala dagoeneko “hurbilpen” aroa gainditu dutela agertu dute, eta “zehaztapen” aroa hasiko dutela irailean. Koalizioa osatzea progresistentzat pozgarria litzatekeela iritzi dio Madrazok.
Politika
Alderdien mahaia prestatzeko batzorde bat sortzea proposatu dute EBk eta Aralarrek
Konponbide prozesuarekin kezkatuta azaldu dira gaur EBko buruzagi Javier Madrazo eta Aralarreko Patxi Zabaleta, elkarrekin bilera egin ondoren . Bake prozesua “desblokeatzeko” beharra dagoela azpimarratu dute. Horretarako, Espainiako Alderdien Legea bertan behera utzi behar dela aldarrikatu dute, baita alderdien mahaia osatu eta PSOE eta Batasunaren arteko gatazkekin amaitu behar dela ere. Koalizioa osatzeko aukera ere aztertu dute.
Iruzkinak
Ez dago iruzkinik
Ordenatu
