Ertzaintzak lau hilabeteko haur bat eta bi urteko beste bat erreskatatu ditu bart Bilbon, San Frantzisko auzoko etxe batean. Eusko Jaurlaritzako Herrizaingo Sailaren arabera, amak bakarrik utzi ditu etxean. Hidratatu gabe zeuden umeak eta Basurtuko erietxera eraman dituzte. Emakumezkoa inputatu egin dute, adintxikikoak uztearen delitua leporatuta.
Bizilagunek eman diote abisua Ertzaintzari, 1:30ak aldera, ume bat etengabe negarrez ari zela-eta. Ertzainak aipatutako etxera joan dira, txirrina jo dute, atea inork ez die ireki eta suhiltzaileei deitu diete, atea zabal zezaten. Umeak bakarrik aurkitu dituzte.
Handik ordubetera heldu da etxera ama. Honek esan du telefono dei bat egitera atera dela kalera eta horregatik zeudela umeak bakarrik.
gizartea
Amak bakarrik utzitako bi haur erreskatatu dituzte Bilboko etxe batean
Lau hilabeteko ume bat eta bi urteko beste bat hidratatu gabe zeuden, eta Basurtuko erietxera eraman dituzte.
Iruzkinak
Ez dago iruzkinik
Ordenatu
