Emakumeen kontrako indarkeria

Ana Isabel Madariagaren heriotza salatu dute berrehun bat lagunek Barakaldon

Argitan Emakumeen Aholkularitza Etxeak antolatuta elkarretaratzea egin da eguerdian Barakaldoko (Bizkaia) Justizia Jauregiaren atarian, asteazkenean ustez bikotekideak jipoituta hil zen Ana Isabel Madariagaren barakaldarraren heriotza salatzeko. 'Emakumeen aurkako biolentziarik ez' lelo hartuta berrehun bat lagun bildu dira. Argitan Aholkularitza Etxeak atzo salatu zuen orain urtebete tratu txarrak pairatzen zituela-eta laguntza eske joan zela Madariaga, baina ezin izan ziotela behar bezala erantzun Barakaldoko Udalak ez duelako kasu horietarako zerbitzu egokirik.

2005eko urriaren 15a

18:12

Entzun 00:00:00 00:00:00

Atzo Udalak antolatuta egin zen Barakaldon 38 urteko Madariagaren heriotza salatzeko elkarretaratea; gaur, berriz, Argitan Emakumeen Aholkularitza Etxeak deituta.

Argitan zentroak Madariagaren heriotzaren aurrekari gordinak utzi zituen atzo agerian: jakinarazi zuen iragan azaroan emakume hori laguntza bila joan zela Aholkularitza Etxera, bikotekideak tratu txarrak ematen zizkiola eta. Argitaneko kideek agertu zuten, Barakaldoko Udalak kasu horietarako zerbitzu egokirik ez duenez ezin izan ziotela behar bezala erantzun; "informazioa eman" beste arretarik ezin izan ziotela eskaini agertu zuten, eta baliabide handiagoak eskatu zituzten emakumeen kontrako indarkeriari aurre egiteko.

Hori guztia gogoan izan dute gaurko elkarretaratzean.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak