Andoaingo udal gobernuak egindako adierazpenaren arabera, egungo testuinguru politikoan "ulertezina da" Ruben Gelbentzu euskal herritarraren atxiloketa: "Erabaki historikoak" egon dira, "Aieten egin zen nazioarteko konferentzia mugarri izanik, non nazioarteko komunitateak gatazka gainditzeko norabidea marraztu zuen", baina marrazkian horrelako jarrerek ez dutela lekurik uste du udalak. "Espainiako eta Frantziako estatuei mugitzea tokatzen zaie, baina Ruben Gelbentzuren atxiloketak eta halakoek aurkako norabidean eragiten dute".
"Gelbentzuren atxiloketa salatu nahi du udalak", eta "aurrerantzean inkomunikazio aldiak amai daitezela eskatuz, bide batez, Espainiako Estatuari deia egiten dio gatazka politikoa konpontzeko prozesu honetan pausoak eman ditzan".
