Andre bat atxilo, seme-alabak ostatu batean uztea egotzita

BILBO. Ertzaintzak emakume bat atxilotu du Bilbon, hiru seme-alabak ostatu batean bakarrik uztea egotzita. Larunbatean ostatuko jabeak Ertzaintzara jo zuen, geletako batean hiru adingabe zeudela esanez eta ez zekitela ama non zegoen. Emakumea atzo azaldu zen polizia etxean, eta han atxilotu zuten. Gizarte zerbitzuek hartu dute adingabeen ardura.