Eusko Jaurlaritzako Segurtasun Sailak jakinarazi duenez, 10:30 aldera izan dute emakumearen berri. Landarez betetako pendoitz batean agertu da, GI-636 errepidean, Irungo saihesbidean (Gipuzkoa). Suhiltzaileek atera dute landare eta sastraka artetik; eskuak lotuta, ahoa tapatuta eta zaurituta zegoela ikusi dute. Berehala Donostia Ospitalera eraman dute, koman.
Iluntzean adierazi dute 24 urteko emakume bat dela, Gipuzkoakoa. Zauriak dituela esan arren, ez dute adierazi zer-nolakoak diren. Ikerketa bat martxan dute nork eraso egin dion argitzeko.
