Euskaltzaindiak jakinarazi duenez, Angel Ibisate Lozares euskaltzain urgazlea hil da, Gasteizen, 87 urte zituela.
Arabako hiriburuan jaio zen, 1932ko urriaren 2an. Gizarte Zientzietan lizentziaduna zen; Gasteizko Elizbarrutiaren Seminarioko bibliotekari izana zen, eta erretiroa hartuta zegoen. Apaiz ministerioa egin zuen Uribarri Jauregin eta Gereñun; Sabandon, Ibisaten eta Areatzan; Gasteizko Andre Maria Koroatzearen parrokian eta Mataukun.
Horrez gain, Arabako AEKren sortzaileetariko bat izan zen. 2006ko maiatzaren 26an euskaltzain urgazle izendatu zuen Euskaltzaindiak.
