Sei metroko laketontzi bat irauli da gaur Lapurdin, Angeluko hondartzatik sei metrora. 10:28an eman dute larrialdi deia.
Suhiltzaileak bertara joan dira, eta lagun bat erreskatatu dute. Ziburuko kirol portura eraman dute, eta han artatu, baina ezin izan dute bere onera itzuli. Bigarrena jendarmeen helikoptero batek erreskatatu du, eta Baionako erietxera eraman. Itsasontzian zihoan beste bidaiari baten bila ari dira orain erreskate taldeak.
Olatu handiak direlako larrialdi egoera emanda dago, eta itsasora ez gerturateko aholkua eman du Pirinio Atlantikoetako prefetak.
