Aralarrek argibideak eskatu ditu 'Motxo'-ren istripuaz

DONOSTIA. Aurreko astean jo zuen hondoa 'Motxo' ontziak, Zumaia eta Deba arteko babestutako itsaslabarretan, eta istripu hari buruzko argibideak eskatu ditu Aralarrek. «Erregaiaren isurtzea larria izan da, eta horri itsasontzia han geratu izanak eta denboraleak eragindako kalteak gehitu behar zaizkio», salatu zuen Patxi Aierbek, Gipuzkoako batzarkideak.