"Ez dago Ikurren Legerik, gure nahiak, sentimenduak eta aldarrikapenak isilaraziko dituenik", dio Udalak, hedabideetara igorritako oharrean.
Sortuk txio baten bidez jakinarazi zuenez, joan zen larunbatean, Altsasun Ospa Eguna egin zuten egun berean, kendu zuten ikurrina guardia zibilek Arbizun (Nafarroa). Kontrola eduki zuten herriaren sarreran, eta hura kendu zutenean, kiroldegiaren aldamenean zintzilikatutako ikurrinari tira egin, eta oihala apurtu zuen. Antza, gauza bera egiten saiatu ziren ondoan zegoen esteladarekin ere, baina ez zuten lortu.
Arbizuko Udalak oharrean salatu du "ordu txikitan eta gauaren babesean" aritu zirela. Eta ez hori bakarrik: uniformea jantzita zeudela ere salatu du.
"Indar okupatzaileei" herritik joateko eskatu diete, bai Arbizutik eta bai Euskal Herritik.
UTZI BAKEAN! UTZI EUSKAL HERRIA!
— Sortu Sakana (@Sortu_Sakana) 2018(e)ko irailaren 5(a)
GUARDIA ZIBILAK eraso egin die gure herriko ikurrei. Guardia Zibilaren presentzia ez da bateragarria elkarbizitza baketsu batekin, ez da bateragarria demokraziarekin.
👇 Haria gertatutakoa salatuz 👇#Aldehemendikpic.twitter.com/hFZKYjI9Wg
