"Argi esan behar dut EAJ ez dagoela nahastuta ustezko ustelkeria kasuan"

Iñaki Gerenabarrena EAJko Araba Buru Batzarreko presidenteak BERRIAri aitortu dio herrialdeko ustezko ustelkeria kasuan hainbat arduradun jeltzale atxilotu izanak alderdiari "kalte handia" egin diola -"inputatuei ere bai, indefentsio egoeran daudelako"-, baina EAJk ustelkeriarekin zerikusirik ez duela: "Argi esan behar dut alderdia ez dagoela nahastuta ustezko ustelkeria kasuan".

BERRIAk Gerenabarrenarekin egindako elkarrizketa aterako du bihar, eta hona hemen EAJko buruaren beste esan batzuk:

- "ETAk desagertu egin behar du ezker abertzalearekin elkar ulertzea egoteko".

- "Jaurlaritzaren norabide ideologikoa PPk zehazten du, eta gu ez gatoz bat".

- "Ez dugu kutxak pribatizatzeko legerik onartuko".