Azkaratek agertu duenez, argindar hornikuntzan izan diren etenen arrazoi nagusia elurraren pisuarekin amildutako arbolek argindar kableak apurtzea izan da, eta horrek adieraziko luke Iberdrolak ez duela argindar lineen dekretua bete. "Dekretuak argi eta garbi babes eremu bat ezartzen du, hain justu, arbolen edo adarren erortzeak lineari eragin ez diezaion", agertu du Jaurlaritzako bozeramaileak.
Hori dela eta, babes eremu horiek guztiak garbitzeko eta garbi mantentzeko eskatu dio Jaurlaritzak Iberdrolari, eta, halaber, izandako arazo guztien eta hartutako neurrien berri zehatza emanez txosten informatiboa lantzeko agindu dio.
Elur ekaitzaren ondoriak
Argindar hornikuntza galarazi duten arrazoien txosten zehatza eskatu dio Jaurlaritzak Iberdrolari
Elur ekaitzaren ondorioz Bizkaian izan diren argindar hornikuntza arazoak direla medio, kargu hartu dio Jaurlaritzak Iberdrolar. Argi zerbitzuaren etenaren arrazoiak, hura konpontzeko hartu dituzten neurriak, eta kaltetuei nola erantzungo dien azalduz txostena egiteko eskatu dio, zehazki, Gasteizko Gobernuak argindar enpresari. Gertatu dena "larria" dela nabarmendu du Miren Azkarate Jaurlaritzako bozeramaileak; areago, Iberdrolak argindar lineak arautzeko dekretua ez duela bete iritzi dio.
Iruzkinak
Ez dago iruzkinik
Ordenatu
