Gernika-Lumo, Fruiz eta Mungia inguruan zeuden eguerdian argindar horniketarako arazo handienak.
Iberdrolako iturrien arabera, ahalegin berezia egiten ari dira arazo horiek guztiak konpontzeko: besteak beste, elurraren ondorioz sortutako larrialdia dela-eta, matxurak konpontzeko beste ehun lagun kontratatu dituztela agertu du. Halaber, barkamena eskatu die Iberdrolak kaltetutako herritar guztiei.
Nolanahi ere, herritar askok Iberdrolaren aurkako kexuak aurkezteko asmoa azaldu dute.
Elur ekaitzaren ondorioak
Argindar hornikuntza gaur erabat konponduko duela agindu du Iberdrolak
Elur ekaitzak sortutako matxuren ondorioz, argindar gabe izan dira egunotan herritar ugari Bizkaian eta Gipuzkoako eremu batzuetan. Larunbatean jo zuen goia arazoak, 50.000 baitziren argindar gabe ziren herritarrak. Gaur gauerako arazo horiek guztiak konponduko dituela agindu du Iberdrolak, eta argindar hornikuntza erabatekoa izango dela. Hala ere, eguerdian 400 bezerok argindarrik gabe jarraitzen zuten Bizkaian.
Iruzkinak
Ez dago iruzkinik
Ordenatu
