Arrasateko erietxean erditzen ari zela hildako emakumea eta haurraren auzia artxibatu dute

Bergarako epaitegiak artxibatu egin du Arrasateko erietxean haurra erditzen ari zela hildako emakume eta haurraren auzia. Ekainaren 4an hil ziren emakumea eta haurra, eta haien familiak salaketa jarri zuen. Heriotza horietan "ardura kriminalik" ez dagoela iritzita artxibatu du auzia Bergarako epaitegiak. Izan ere, Arrasateko erietxean jaso zutenez emakumeari plazenta behar baino lehenago erori zitzaiolako hil ziren, eta autoak dioenez, horixe da autopsiak dioena ere.