2012ko martxoaren 29ko gera orokorraren ostean, konortea galdu zuen Xuban Nafarrate gazteak, Gasteizen izaniko istiluetan. Nafarrateren salaketaren arabera, Ertzaintzaren pilotakada batek jo zuen. Sei egunez izan zen ingresatuta ospitalean.
Arabako Lurralde Auzitegiak, ordea, berretsi egin du aurrez Gasteizko instrukzio epaitegiak ebatzitakoa: hau da, estropuz egin eta erori ostean zauritu zela Nafarrate; ebazpenaren arabera, ezin da frogatu Nafarreteren zauriak pilotaka batek eragindakoak izan zirenik. Hala, artxibatu egin du auzia. Behin betikoa da erabakia.
