Ljadra Said 19 urteko debarrak maiatzean jarri zituen lagunak gertatzen ari zenaren jakinaren gainean. Haiek salaketa jarri zuten Ertzaintzan, eta salaketa publikoa ere egin zuten. Jakinarazi zuten beren laguna bahituta zeukala familiak Tindufen, eta ezkondu egin nahi zutela, bere borondatearen kontra.
Zortzi hilabete bahituta egon ostean, gaur askatu dute, eta Espainiara joan da. Bitartekaritzan Frente Polisarioko kideek eta Jesus Loza Espainiako Gobernuaren EAEko ordezkariak esku hartu dutela zabaldu dute hainbat hedabidek.
