Polizia

"Atentatuei aurrea hartzeko neurriak" hitzartu dituzte Ertzaintzak eta Espainiako segurtasun indarrek

Eguberrietan atentatuak izateko arriskua areagotzen dela eta, Espainiako segurtasun indarrek neurri bereziak hartuko dituztela iragarri zuen atzo Jose Luis Rodriguez Zapatero Gobernuko presidenteak. Neurri horien harira, Paulino Luesma Espainiako Gobernuaren EAEko ordezkaria eta Javier Balza Jaurlaritzako Herrizaingo sailburua harremanetan izan dira gaur, eta Ertzaintzak zein Espainiako segurtasun indarrek hartuko dituzte neurriak hitzartu dituzte.

2004ko abenduaren 22a

15:58

Entzun 00:00:00 00:00:00

Zehazki, Ertzaintzak, Espainiako Poliziak zein Guardia Zibilak Espainiako Segurtasun Batzordeak (poliziak koordinatzen dituen erakundeak) aurreikusitako neurriak indarrean jarriko dituztela erabaki dute.

Espainiako Gobernuaren EAEko Ordezkaritzak eta Jaurlaritzako Herrizaingo Sailak agiri bana plazaratu dute Luesmak eta Balzak izan duten elkarrizketaren berri emateko, eta bi erakundeen arteko harremanak onak direla nabarmendu dute batzuek zein besteek. Madrilgo martxoaren 11ko atentatuen ondoren etengabe koordinatuta egon direla azpimarratu dute, eta etorkizunean prebentzio planen jarraipena elkarrekin egitea erabaki dutela.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak