Atxiloletak

Atzo Lonsen atxilotutako ETAko ustezko lau kideak Baionan daude, bihar Parisera eramateko zain

Gorka Palacios, Iñigo Vallejo, Jon Rubenach eta Mikel Almandoz Frantziako Poliziak atzo Paue ondoan, Lonsen, atxilotu zituen ustezko lau etakideak Baionako poliziaetxean dauzkate Parisera eramateko zain. Ziur aski, bihar eramango dituzte Frantziako hiriburura, epailearen aurrean deklaratzera. Poliziak azaldu duenez, lau lagunak atxilotu zituzten Lonseko etxean agiriak, dokumentazio agiri faltsuak, bost arma, 20.000 euro eta detonagailuak harrapatu dituzte.

2003ko abenduaren 10a
19:33
Entzun 00:00:00 00:00:00
Dena den, etxe hartan ez zegoela lehergailurik jakinarazi dute Poliziako iturriek, eta, ziur aski, bestenonbait izango zituztela gordeta.

Lonseko etxe hori Garazi Aldanak alokatu zuela jakinarazi du Poliziak, hau da, joan den ostegunean Ibon Fernandez Iradi 'Susper'-ekin eta Patxi Abadekin batera Mont de Marsanen atxilotu zuten ustezko etakideak.

Atzoko atxiloketak direla-eta, poz handia agertu dute Frantziako zein Espainiako agintariek, "ETAko buruzagitza militarra desegin" dela iritzi baitiote.

Aukeratu BERRIA gogoko iturri gisa Googlen. Aktibatu hemen

Iruzkinak
Ez dago iruzkinik

Ordenatu
0/500
Gehien irakurriak
Interesgarria izango zaizu
Nabarmenduak
Zure babes ekonomikoari esker egiten dugu kazetaritza konprometitua. BABESTU BERRIA
Egin zure ekarpena