Auto batek eta suhiltzaileen kamioi batek aurrez aurre jo dute gaur arratsaldean Azpeitian (Gipuzkoa), GI-631 errepidean, eta autoaren gidaria, emakume bat, hil egin da. Kamioiko suhiltzaileetako bat zauritu egin da, eta Galdakaoko (Bizkaia) ospitalera eraman dute, Osakidetzaren helikopteroan. Eusko Jaurlaritzako Segurtasun Sailak jakinarazi duenez, istripua 16:10ean gertatu da, errepideko hamargarren kilometroan, Azpeitia eta Lasao (Zestoa) artean.
Larrialdi zerbitzuak, poliziak eta Osakidetzaren helikopteroa joan dira istripua gertatu den lekura. Gidaria bertan hil da. Errepidea itxi egin dute.
