Ordu laurden ere ez du iraun Permachek eta Alvarezek Garzonen aurrean egin duten agerraldian. Batasunaren aurkako auzian auzipetuta daudela jakinarazi die epaileak; zehazki, ETAko kide izatea egozten diela.
Eusko Legebiltzarkide izandako horiei biei auzipetze autoa jakinarazteaz gain, Urrutikoetxea legebiltzarkide ohia bilatu eta atxilotzeko nazioarteko agindua eman du Auzitegi Nazionaleko epaileak.
Epaitegitik irtetzean, auziaren "kutsu politiko nabarmena" salatu du Alvarezek, eta azpimarratudu Euskal Herriko gatazka konpontzeko bideak jartzeko garaia dela. "Etorri gara berriro ere aldarrikatzera egoerak aldatzen ari direla, denok mugitu beharra daukagula. Zentzu horretan, azaroaren 14an Anoetan egin genuken proposamena, 'Orain herria, orain bakea' mantentzen dugula adierazi nahi dugu, argi eta garbi; apostu berean segitzen dugula, eta apostu horretatik ez garela aterako. Baina ikusten dugu herri honetan autodeterminazioa eskatzea delitua dela", esan du.
Politika
Auzipetze autoa jakinarazi die Garzonek Permachi eta Alvarezi, eta Urrutikoetxea atxilotzeko agindu du
Joseba Permach eta Joseba Alvarez Batasuneko buruzagiak Madrilen, Espainiako Auzitegi Nazionalean, izan dira gaur Baltasar Garzon epaileak deituta. Hain zuzen ere, Batasunaren aurkako sumarioan auzipetuta daudela jakinarazi die Garzonek SA Sozialista Abertzaleak taldeko legebiltzarkide izandako biei. Hain zuzen ere, Legebiltzarra desegitean forudun izaera galdu dute, eta horregatik auzipetu ahal izan dituzte. Era berean, Josu Urrutikoetxea legebiltzarkide ohia bilatzeko eta atxilotzeko nazioarteko agindua eman du. Epaitegitik irtetzean, Batasunak konponbiderako apostua egiten jarraitzen duela nabarmendu du Alvarezek.
Iruzkinak
Ez dago iruzkinik
Ordenatu
