Auzitegi Gorenak Sorzabalen tortura ukatu du

Espainiako Auzitegi Gorenak berretsi egin du Iratxe Sorzabalen aurkako zigorra. Auzitegi Nazionalak 24 urteko zigorra ezarri zion, ETAk egindako bi atentaturen harira. Epaian, Auzitegi Gorenak hizpide izan ditu Sorzabalen tortura salaketak, eta, aitortu badu ere atxilotuak bere abokatuarekin komunikazioa izateko eskubidea oinarrizkoa dela, erantsi du komunikazio horri «muga» batzuk jar dakizkiokeela «terrorismo» kasuetan.

Horretaz gainera, Europako Kontseilua eta Amnesty Internationala goraipatu ditu, baina, haiek Sorzabalen torturez eginiko txostenen inguruan, esan du dokumentu horiek ezin direla «akritikoki onartu».