Azken egunetan ere zenbait sexu erasoren berri eman dute, eta horiek salatzeko protestak egiten ari dira. Gaur, esaterako, Donostiako Asanblada Feministak elkarretaratzea egin du, sei gizon atxilotu dituztelako, sexu eraso batengatik. Donostiako Udalak ere beste elkarretaratze batera deitu du, Donostiako Udala eraso sexisten aurka lelopean.
Donostian ez ezik, Galdakaon ere (Bizkaia) salatu dute bortxa matxista. Hain zuzen, asteon jakinarazi dute bi gizon atxilotu dituztela, sei adingaberi sexu erasoak egitea egotzita. Mugimendu feministako kideek protesta egin dute gertaturikoa gaitzesteko.
