Baimendutako akohol tasa sei aldiz gainditzeagatik atxilotu dute kamioi gidari bat

Trafiko segurtasunaren kontrako delitu baten egile delakoan, kamioi gidari bat atxilotu du Ertzaintzak Arrankudiagan (Bizkaia); baimendutako alkohol tasa baino sei aldiz handiagoa eman duela zehaztu du Ertzaintzak.

Iturri horien arabera, atzo arratsaldeko hiru eta erdiak aldera matxuratutako kamioi bat ikusi zuten AP-68 errepidean Arrankudiaga parean. Hurbildu zirenean, gidaria bolantearen gainean etzanda zegoela ikusi zuten, eta ez zela beren galderei erantzuteko gai. Hasieran, ondoezik zegoela pentsatu zuten, eta abunlantzia bati hotsegin. Gero, ordea, mozkortuta zegoela konturatu ziren, eta alkoholemia froga egin. 0,94ko tasa eman zuen, kamiolariei baimentzen zaien 0,15ekoa baino sei aldiz handiagoa.