Baionako Largente ikastetxean bonba mehatxua izan dute ostiral eguerdi honetan, hainbat hedabidek jakinarazi dutenez. Ikasleak ebakuatu dituzte, baina bi ordu eta erdiz eraikinak arakatu ondotik, arrisku oro baztertu, eta normaltasunera itzuli da egoera.
Zabaldutako informazioaren bidez, mezu bidez jaso dute bonba mehatxuaren berri. Polizia eta jendarme andana joan da bertara, mehatxua egiazkoa ote zen argitzera. Anartean, ikastetxea hustu dute, eta Marracq kolegio publikora eraman dituzte ikasleak, Largente ikastetxetik hurbil.
Sare pribatu katolikoko, eskola, kolegioa eta lizeoa biltzen ditu Largente ikastetxeak. 1.200 ikasle dira orotara.
