Politika

"Bakearen aldeko jarrerak zehazteko" bilerak egingo ditu alderdiekin EAJk

"Bakea eta normalizazio politikoa lortzeko azken aukera balitz bezala" jokatuko du EAJk. Hala esan du behintzat EAJren EBBko bozeramaile Iñigo Urkulluk prentsaren aurrean. Horretarako, "bakearen aldeko jarrerak zehazteko" alderdiekin erronda bat egingo du. Izan ere, beren iritzian "Euskal Herria bakea lortzeko unerik onenean dago".

2005eko urriaren 31
16:31
Entzun
Urkulluk dionez, normalizazio eta bakegintzari dagokionean "hitzetatik ekintzetara" pasatzeko garaia iritsi da. Horregatik, EAJ gainerako alderdiekin bilera erronda bat egitekotan da. Hain zuzen ere, EAJren EBBko presidente Josu Jon Imazek berak egingo ditu bilera horiek, gaur Urkulluk azaldu duenez.

Alderdi bakoitzak bakegintzaren eta normalizazio politikoaren inguruan duen iritzia zehaztu beharko luke Urkulluren iritzian, "EAJk egin duen bezala".

EAJk argitaratu duen 'Elkarbizitzarako bake bideak' dokumentuaren aurreak PSE-EEk eta Batasunak plazaratutako iritzia baloratu egiten dutela azaldu du, "batik bat, Batasunak adostasunak aurkitu izana".
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.