Basauriko Bake Auzitegia eta Espainiako Gobernuak Araban duen ordezkaritza erasotu dituzte

Basauriko Bake Auzitegiaren aurrean etxean egindako lehergailu bat zartarazi dute gaur goizaldean. Herrizaingo Sailak esan duenez auzitegiko ateko kristala kaltetu dute. Espainiako Gobernuak Araban duen ordezkaritzara, berriz, molotov koktelak jaurti dituzte bart. Herrizaingo sailak esan duenez, han ez da kalte handirik izan.