54 urteko emakumea atzo bere etxean aurkitu zuten hilotz, labankada arrastoekin, eta leku berean haren 60 urteko senarra. Gizonezkoak zauriak zituen eskuturretan, agi denez, bere buruaz beste egiten saiatu zelako. Banatzeko prozesuan zen bikotea. Ertzaintzak senarra atxilotu du hiltzailea bera delakoan.
Bilboko 9. Instrukzio Epaitegiak sekretupean ezarri du sumarioa.
Labankadak ez ezik, beste indarkeria zantzu asko zeuzkan emakumezkoaren gorpuak.
Bikoteak hiru seme-alaba zituen, guztiak adin nagusikoak.
Gaitzespena agertzeaz gain, familiari doluminak adierazi dizkio Basauriko Udalak.
Emakumeen kontrako indarkeria
