Batasunak atxikimendua azaldu dio preso politikoen konferentziari

Pernando Barrena eta Juan Joxe Petrikorena Batasuneko kideek azaldu dutenez, Euskal Herrian dagoen giro politikoari konpontzeko beharrezkoa da "bazterketarik gabeko elkarrizketa". Elkarrizketa horretan "euskal preso politikoen" parte hartzea beharrezkoa dela esan dute. Horretarako bidean bi deialdi egin dituzte: "konponbidea lortzeko konpromezua duten alderdiei" konferentzian parte hartzeko eskatu diete batetik, euskal presoek "konponbidearen prozesuan" nola parte hartu dezaketen aztertzeko eta zehazteko; eta bestetik herritarrei egin diete dei, "presoen izate politikoa eta eragiletza" gizarteratzeko beharrezkoak direla esanez.