Politika
Batasunaren igandeko ekitaldia debekatzeko eskatu dio PPk Jaurlaritzari
Batasunak datorren iganderako iragarri duen ekitaldi politikoa debekatzeko eskatu dio PPk Eusko Jaurlaritzari. Debekatzeko ez ezik "eragozteko" ere galdegin dio. Ekarpen politiko berria aurkezteko antolatu du Batasunak ekitaldi hori, eta Donostiako Belodromoan egiteko asmoa du.
PPko buruzagi Santiago Abascalek egin du eskaera. Agertu duenez, "ETArekin lotura izategatik" legez kanpo utzitako taldea da Batasuna, eta, beraz, alderdi horrek ekitaldi bat egitea "delitua" litzateke. "Eusko Jaurlaritzako Barne Sailaren obligazioa da delituak eragoztea eta legea betetzen dela bermatzea. Ondorioz, ezker abertzaleko legez kanpoko taldeek ekitaldi politiko bat egitea eragotzi behar du", adierazi du.
Iruzkinak
Ez dago iruzkinik
Ordenatu
