PSEren eta Batasunaren arteko gobernu batek "herri honetako arorik beltzena gaindituta legokeela" adieraziko luke Lopezen aburuz, eta hain justu, desio horixe agertu nahi izan du Zabaletak koalizio horren alde eginez. "Hala ere, oraingoz PSEk ez du halako aliantzarik aurreikusten. Ez dugu uste halakorik gerta daitekeenik ere", nabarmendu du idazkari nagusiak, Bilbon, UGT eta CCOOren Maiatzaren 1eko manifestazioan parte hartu aurretik.
Jose Blanco PSOEko Antolakuntza idazkariak atzo bertan kendu zien garrantzia Zabaletaren hitzei. Blancok azpimarratu zuen Batasuna legez kanpoko alderdia dela, eta halako indarrekin ez dutela inoiz bat egingo.
Politika
Batasunaren koalizioa egitea defendituz Zabaletak "etorkizuneko desio bat" adierazi zuela uste du Lopezek
Gemma Zabaleta PSEko legebiltzarkidearen adierazpen polemikoak zehaztu nahi izan ditu gaur Patxi Lopez PSEko idazkari nagusiak. PSEren eta Batasunaren arteko gobernu koalizio bat gustuko izango lukeela esan zuen Zabaletak, "ezkerreko gobernu bat". Nahi hori agertzean Zabaleta "etorkizuneko desioez" ari zela zehaztu nahi izan du Lopezek, eta argi utzi du une honetan PSEn ez dela halako planteamendurik egin; areago, egungo egoeran ezinezkoa dela azpimarratu du.
Iruzkinak
Ez dago iruzkinik
Ordenatu
