Lohitzune Txarola (Bildu) Gipuzkoako Batzar Nagusietako presidentearen ustez, Jose Maria Bravo Ogasuneko Irungo bulegoko zuzedari ohiaren aurkako epaiketa eta epaia "eredugarriak" izan dira. Haren arabera, Irungo Ogasunean bere garaian pasatutakoa ezagutzeko balio izan du.
Akusazio partikularra Gipuzkoako Diputazioak eta Batzar Nagusiek osatu dute, eta Txarolak azaldu du gustura daudela epaiarekin, "justizia egin delako".
“Ebatzitako diru horiek berreskuratzeko prozedura oso garbi ezartzen da sententzian: orotara 5,9 milioi euro jaso behar ditu diputazioak”, adierazi du Xabier Olano Ogasuneko zuzendariak.
Aldundiko agintean EAJ egon zenean izan zen Irungo bulegoko zuzendari Bravo.
