Beharrera itzuli dira hondakinak biltzen dituzten langileak Getxon, greba utzita

BILBO. Asteak zeramatzaten Getxon (Bizkaia) hondakinak biltzen dituzten langileek greban, baina egunotan lanera itzuli dira, akordio bat lortu baitzuten ostegun iluntzean enpresarekin. Ituna behin-behinekoa izan zen hasiera batean, baina ostiralean ontzat jo zuten behargin gehienek —%90 lotu zitzaizkion—, eta horregatik erabaki zuten lanera bueltatzea. Udalak poza azaldu du bi aldeek akordio bat lortu dutelako, eta pilatutako hondakinak lehenbailehen jasotzeko eskatu du.