Haurrak babesteko giza hesia irudikatu dute hasi Antiguako tuneletik eta Alderdi Ederreraino, GuraSOS elkarteak deituta. Izan ere, beltzez jantzi dute Donostia, erraustegiak txikiengan izango lituzkeen ondorioak salatzeko.
Martxa beltza @berria#gurasospic.twitter.com/FkoPw7h33x
— Enekoitz Telleria (@EnekoitzTelle) 2016(e)ko ekainak 19
Gure haurrentzat nahi ez duguna ez dugu gainontzekoenentzat nahi ere #errauskailurikez#bizitzadahandiena#gurasospic.twitter.com/zYt1hga1U8
— kinkimusanpa #zutik (@kinkimusanpa) 2016(e)ko ekainak 19
GuraSOS elkarteak gogorarazi du 200 eskola eta 69.000 haurretik gora daudela erraustegiaren eragin eremuaren barruan. "Informazioa da eskatzen duguna, egiazko informazioa".
Mobilizazioarekin oharra bidali diete agintariei, gizartearen eta familien bidez: "Interes ekonomiko eta politikoen gainetik euren seme-alaben osasuna lehenets eta erakuts dezaten nahi dugu. Gutxieneko arriskua egoteak prebentzio eta babes printzipioak aplikatzea eskatzen du".
Hiritar Erakundeen Foru Erregistroan izena emango du elkarteak, eta parte-hartze prozesua "'erraustegia eraiki ala ez' galderari zabaltzea" bideratzeko ekinbide juridikoa abiatuko du. GuraSOSek salatu du aldundiak iragarritako parte-hartze prozesuan ez dela aurreikusten azpiegiturari buruz eztabaidatzea: "Ez dio erantzuten Gipuzkoako gizarteak eskatzen duenari".
