Atzo gauean, Landetako Ychoux herrian (Okzitania), tximistak trenbidea jo zuen. Zehazki, bi bidetako trenbide bati egin zion kalte, tren berantak ondorioztatuz; hunkitutako bidetik zihoazen trenak, gainera, geldirik egon ziren zenbait orenez. Eta Ipar Euskal Herriko trenbideei ere eragin die, eskualdeko trenak bide bakarrean doazelako oraindik ere. Berantek arratsalde hasierara arte iraun behar lukete.
Atzo gauetik geroz, SNCF Frantziako tren konpainia publikoko langileak andeatutako bidea konpontzeko ahaleginetan ari dira. Erran dutenez, goiz bukaerara arte segituko dute, baina, anartean, bide bakarra dago erabilgarri.
Bidaiariek SNCF webgunean begiratzen ahal dituzte beren trenari dagozkion informazioak.
