Berastegin baserri bat erre da, baina inor ez da zauritu

BERASTEGI. Suak kiskalita utzi zuen atzo goizaldean Berastegiko Antziola baserria (Gipuzkoa). 03:30 aldera hasi zen sua, Eusko Jaurlaritzako Herrizaingo Sailaren arabera. Lo zeuden etxekoak, bost guztira. Ohartu ziren, ordea, sua zutela etxean, eta ateratzea lortu zuten, abere eta guzti. Ustez ganbaran hasi zen sua, eta belar ugari zegoenez han, azkar zabaldu zen.