Polizia operazioa

Beren burua aurkeztu duten bi lagun espetxeratzeko agindu du Garzonek

Espainiako Auzitegi Nazionaleko epaile Baltasar Garzonek Ibon Perez Ziluaga eta Nagore Bilbao espetxeratzeko agindu du. Bi horiek eta beste hiru lagunek beren burua aurkeztu dute auzitegi horretan, orain bi aste Bilbon egindako polizia operazioaren harira. Mikel Lizarribarri 9.000 euroko bermea ipini dio, Garzonek, aske uzteko, eta Janire Couceirori astean behin etxetik gertuen duen auzitegian agertzea agindu dio. Laurei "talde armatuari laguntza ematea" leporatzen die Garzonek. Bostgarren laguna, aske utzi du, kargurik gabe.

2004ko azaroaren 22a

16:24

Entzun 00:00:00 00:00:00

Ibon Perez Ziluagari, Nagore Bilbaori, Mikel Lizarribarri eta Janire Couceirori "talde armatuari laguntzea" leporatzen die Espainiako Auzitegi Nazionaleko epaile Baltasar Garzonek.

Ibon Perez Ziluaga eta Nagore Bilbao espetxeratzeko arrazoia bi horiek ihes egin zezaketela dela esan du Garzonek. Izan ere, esan duenez, "beren kasaka aurkeztearekin "beraien kontra eginduko zen atxiloketa ekidin nahi zuten, besterik ez".

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak