"Legeari iruzurra" egin zioten Berriozar, Lizarra, Lakuntza, Etxarri Aranatz eta Leitzako udalek. Hala ebatzi du gaur Nafarroako Justizia Auzitegi Nagusiak. Haren arabera, Iruñean eta Tafallan gertatu bezala, bost herri horietan ere EAEko ordezkariak gonbidatu zituzten ikurrina jartzea "legez kanpoko ekintza" izan ez zedin, eta ez alderantziz alkateek argudiatu moduan.
Era horretan, bateratu egin ditu udaletxeetan ikurrina jartzeari buruzko irizpideak. Izan ere, Iruñeko administrazioarekiko auzitegiko lehen aretoak ez zuen "lege iruzurrik" ikusi Berriozarko Udalaren jokabidean; aldiz, auzitegi bereko bigarren aretoak iruzurtzat jo zituen Lizarra, Lakuntza, Etxarri Arantz eta Letzaiko udalen jokabideak.
