Ertzaintzak 17 eta 24 urteko bi mutil atxilotu ditu, hilketa-saiakera delitua leporatuta. Beasainen (Gipuzkoa) adingabe batekin borrokan ibili ziren igandean, eta horren ondorioz atxilotu zituzten.
Igande arratsaldean, larrialdi zerbitzuek liskar baten berri izan zuten. Bertan, adingabe bat aurkitu zuten, erasoaren ondorioz buruan kolpe handi bat zuena. Larri zegoela ikusita, larrialdietako langileek adingabea ospitalera eramatea erabaki zuten; oraindik bertan ospitaleratuta dago, Efe berri agentziak jakinarazi duenez.
Gero, Ertzaintzak ikerketa bat abiatu zuen, gertatutakoa argitzeko eta erasotzaileak identifikatzeko. Atxilotutetako bat, 17 urteko gaztea, egunean bertan atxilotu zuten erasoarekin zerikusia zuelakoan; adin txikikoen fiskaltzaren esku utzi zuten. Beste atxilotua, 24 urtekoa, gaur bertan atxilotu dute.
