emakumeen kontrako indarkeria

Bi gizonezko atxilotu dituzte Basaurin eta bat Bilbon, emakumeak jo dituztelakoan

Udaltzaingoak bi gizonezko atxilotu zituen atzo Basaurin eta Ertzaintzak beste bat Bilbon emakumeak jotzea leporatuta. Basaurin, jipoia jaso berria zela esan zuen emakume batek salaketa jarri zuen bere bikotekidearen kontra, eta Udaltzaingoak gizonezkoa atxilotu zuen atzo. Atzo bertan, beste gizonezko bat ere atxilotu zuten Basaurin, bere bikotekidea jotzea leporatuta. Bilbon, berriz, 30 urteko gizonezkoa atxilotu zuen Ertzaintzak, bere emazte ohia eta haren familia jo zituelakoan.

2004ko azaroaren 27a

15:38

Entzun 00:00:00 00:00:00

Basaurin atxilotuetako batek 32 urte ditu. Bere bikotekideak 27 urte ditu, eta hark salatu zuenez, bere bikotekideakurteetan jo izan du.

48 urte ditu Basaurin atxilotutako beste gizonezkoak. Bere emazteak kolpe marka nabarmenak zituen. Emazteak berak jarri zuen salaketa, Basauriko Udaltzaingoan.

Ertzaintzak Bilbon atxilotu zuen gizonezko bat. Hark 30 urte zituen, eta Jaurlaritzako Herrizaingo Sailak esan duenez, bere bikotekide ohia eta haren familiari egin zien eraso. Gainera, bikotekide ohia bizi den etxean txikizioa ere egin zutela jakinarzi du Herrizaingo sailak. Horretarako beste bi pertsonen laguntza izan zuen, eta Ertzaintzak pertsona bat atxilotu du, laguntze horretan aritu zelakoan.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak