Bi gizonezko atxilotu dituzte Bilbon eta Getxon, bikotekideak jo dituztelakoan

Ertzaintzak 42 urteko gizonezko bat -JF.V.C.- atxilotu zuen atzo gauean Bilbon, Otxarkoaga auzoan, seme-alaben aurrean emazteari mehatxu eta eraso egin izana egotzita.

Auzokoek ohartarazi zuten Ertzaintza, eztabaida handia entzun eta zenbait objektu etxebizitza batetik leihotik behera botatzen zituztela ikusita. Ertzain batzuk etxebizitza hartara joan ziren eta, bikotearekin hitz egin ostean, senarrak irainak eta heriotz mehatxuak egin zizkiola eta bizkarrean jo zuela esan zien emakumeak. Orduan atzeman zuten gizonezkoa. Bilboko bizilaguna da atxilotutakoa.

Getxon (Bizkaia) udaltzainek beste gizonezko bat -F.F.S.Q.- atxilotu zuten larunbat gauean, bikotekidea jotzen ari zelako ustez. 40 urte dauzka atxilotutakoak eta, udaltzainen arabera, bikotekideari ostikoak jotzen ari zitzaion hau lurrean zela, Algortan, Aretxondo kalean.

Gurutzetako (Barakaldo, Bizkaia) Ospitalera eraman zuten emakumezkoa, arta zezaten. Biktimak esan duenez, ez da lehen aldia jo izan duena.