Bi gizonezko atxilotu dituzte Gasteizen eta Bilbon, emakumeak jo dituztelakoan

Ertzaintzak 35 urteko gizonezko bat - JA.G.B.- atxilotu zuen atzo Gasteizen, bikotekide izandakoa jo egin zuelakoan. Honekiko daukan urruntze agindua haustea ere leporatu diote.

Goizeko zortzi eta erdiak aldera Adurza auzoko kale batera joateko deia jaso zuten ertzainek, gizonezkoak emakume bat jo zuelako ustez. Hara iritsi zirenean, ertzainek diote emakume hark ezpainean odola zuela. Biktimak adierazi zien bikotekide izandakoak jo zuela.

Gizonezkoa auto batzuen artean ezkutatzen saiatu zen, baina atzeman egin zuten.

Bilboko udaltzainek, berriz, 38 urteko gizonezkoa -G.P.C.- atxilotu zuten atzo, emazteari hainbat muturreko jotzea egotzita. Biktimak -33 urte- ez zuen nahi izan senarra salatzerik.

Unamuno plazan izan zen gertaera, goizeko hirurak aldera. Udaltzain batzuk lekuko izan ziren.