Bi gizonezko atxilotu dituzte Gasteizen eta Irunen, neska-lagunak jo dituztelakoan

Ertzaintzak bi gizonezko atzeman ditu Gasteizen eta Irunen (Gipuzkoa), euren bikotekideei eraso egin dietela leporatuta.

Gasteizen atzo goizeko zortzi eta erdiak aldera atxilotu zuen, Pilar auzoan. Emakumeak berak eman zien abisua ertzainei. Poliziek ikusi zuten besoan eta lepoan kolpeak zeuzkala, eta Santiago erietxera eraman zuten. Biktimak esan zuen maiz jasotzen dituela mehatxuak-eta.

Irunen atzo arratsaldeko bostetan atzeman zuten, kalean. Emakumezkoak zauria zeukan beso batean, eta Bidasoa erietxera eraman zuten.