Frantziako Poliziak ustezko bi etakide atxilotu ditu Tarascon-sur-Ariegen, Midi-Pyrenees eskualdean, Ariege departamenduan. Andorrako mugatik hurbil dago atxilotu dituzten herria.
Polizia iturriek agertu dutenez, ustezko bi etakideak bizikletan zihoazen eta jendarmeen ohiko trafiko kontrol batean atzeman dituzte. Azaldu dutenez, kontrola ikustean desbideratzen hasi dira, eta horrek piztu du jendarmeen arreta. Ondorioz, atzetik segika joan zaizkie eta harrapatu egin dituzte. Motxiletan arma bana -pistola bat eta errebolber bat-eta Espainiako nortasun agiri faltsuak atzeman dizkietela erantsi dute. Tarascon-sur-Ariegen bertan dauzkate atxilotuta eta oraindik ez dute argitu nortzuk diren. Parisko Terrorismoaren Kontrako Auzitegiaren esku dago ikerketa.
Michelle Alliot-Marie Frantziako Barne ministroak adierazi du baieztatu dutela bi atxilotuetako bat ETAko "komando militar bateko" kidea dela. Frantziako Gobernuak ez du jakinarazi oraindik atxilotuak nor diren, baina polizia iturriek zabaldu dute Ugaitz Astiz Arangua eta Mikel Olza Puñal direla. Biak Iruñekoak dira.
Atxiloketak
Bi lagun atxilotu ditu Frantziako Poliziak ETAko kide izatea egotzita
Tarascon-sur-Ariegen atzeman dituzte, Midi-Pyrenees eskualdean. Polizia iturrien arabera, bizikletan zihoazela atxilotu dituzte,jendarmeen ohiko kontrol batean, eta armak zeramatzaten. Atxilotuetako bat ETAko "komando militar bateko" kide dela nabarmendu du Michelle Alliot-Marie Frantziako Barne ministroak. Polizia iturrien arabera, Ugaitz Astiz Arangua eta Mikel Olza Puñal iruindarrak lirateke atxilotuak.
Iruzkinak
Ez dago iruzkinik
Ordenatu
